Noyabrın 2-dən başlayaraq ölkədə tədris və təlim-tərbiyə prosesinin distant (məsafədən) formada təşkilinə başlanılıb. Müəllimlər “Microsoft Teams”, “Zoom”, “Skype”, “Watsapp” kimi proqramlardan istifadə etməklə dərs keçməyə çalışırlar. Lakin bu tədris sistemində,bir sıra problemlər müşahidə edilir.

Araşdırması zamanı məlum olub ki, eyni zamanda valideyin-müəllim münasibətində də xüsusi bir aqressivləşmə yaranıb. Müəllim uşaqdan dərs soruşmursa, artıq onlar arasında gərginlik yaranır.

Onlayn dərsdə müəllimin şagirdi təhqir etməsi, ümumiyyətlə, qəbul olunmaz bir haldır. Xatırlayırsızsa, bir müəllim uşağa “korsan?” demişdi. Hansı müəllimlər belə aqressivləşir? O müəllimlər ki, onlar ənənəvi təhsil sistemində fiziki cəzaya daha çox yer verdikləri üçün, uşaqları daha çox döyüb, əzib, təhqir edib, qorxutmaqla öyrətdikləri üçün bugünkü gündə onların nəticələri olduqca aşağı və nəinki şagird, müəllimin özü aşağı davranış sərgiləyir. Nəzərə alsaq ki, onlayn dərsə direktorlar, onların müavinləri nəzarət edir və müəllim onlayn dərsdə uşaqları təhqir edir, bu bağışlanmaz hal kimi qəbul edilir. Müəllimlər onlayn dərs sisteminə yeni keçid etdikləri üçün problem elə buradan qaynaqlanır.

Paylaşılan video da açıq aşkar görünür ki, kollec direktoru online dərs zamanı küçə sözlərindən istifadə edir, şagirdi alçaldır.

Bəs siz övladınızı belə ağır təhqir olunan təhsil ocağına buraxarsınız?

Ümid varıq ki, bu yazıdan sonra Təhsil Nazirliyi sözügedən məktəbin direktoru haqqında ciddi tədbir görəcək .Hətta onu işindən kənarlaşdıracaq.