Zümrüd Yağmurun həbs etdirdiyi bacsı oğlu aclıq aksıyası keçirir - vəziyyəti ağırdır

 AXCP sədri Əli Kərimlinin keçmiş müavini, hazırda partiyanın Rəyasət Heyətinin üzvü olan Fuad Qəhrəmanlı və yazar Zümrüd Yağmurun qızı Sənay Yağmuru-öz xalası qızını zorladığı barədə ittihamla həbs edilən Əsgər Ağazadə 7 gündür ki, aclıq aksiyası keçirir.

İrəli sürülən ittihamları qəbul etməyən məhbus həbsxanada ona qarşı olan münasibətə də etiraz edir.

Bu barədə Bir aydan çoxdur ki, həbsdə olan Ə.Ağazadəyə hələ yaxınları ilə görüşə icazə verilmir.

Onun anası Sürəyya Ağayeva məlumat verdi. O, göz yaşları içərisində bunları dedi:

“Oğlum haqsız olaraq bir aydır azadlıq üzünə həsrət qalıb. Belə ədalətsizlik olmaz. Bacım Zümrüd oğlumu şərlədi. Əsgər əvvəlki açıqlamalarımda da dediyim kimi, ciyərinin 75 faizini atasına verib. 25%-lə həbsxanada o yaşaya bilməz.

Üstəlik, indi də aclıq aksiyası keçirir. Bu, onun həyatına olan təhlükəni daha da artırır. Bütün bunlar azmış kimi, bizimlə Əsgərin görüşünə də icazə verilmir. Əsgəri müalicə edən həkim var idi. İndi onun Əsgəri müalicə etməsinə böyük ehtiyac var. Orada heç bir şərait yoxdur.

Əsgərin ağrıları tez-tez qalxır. “Ev dustaqlığı”na buraxılması barədə müraciət etdik, qəbul olunmadı. Hər kəsdən kömək istəyirəm. Mənə övlad acısı yaşatmayın”.

Qeyd edək ki, Ə.Ağazadə barəsində 4 aylıq həbs qətimkan tədbiri seçilib.

AZƏRBAYCANREALLIĞI.COM