BƏYAZ HƏRƏKAT təşkilat komitəsinin Bəyanatı: Düşmən sevindirməyə vaxtımız yoxdur

BƏYAZ HƏRƏKAT təşkilat komitəsinin Bəyanatı Vətənimizin, millətimizin ümumimilli problemlərinin həll yollarından biri və birincisi pozulmuş ünsiyyətlərin bərpasından, özgələşmiş cəmiyyətimizin özünə qayıdışından, sevgini vurub şikəst edən nifrəti aradan qaldırmaqdan, güvənli və inamlı Milli Birlikdən keçir. Bu birliyin yaranması üçün kiçik bir hərəkətlənməni hiss edən kimi, düşmənlər və niyyətləri iblislik olan qüvvələrin  fəallaşması dərhal özünü büruzə verir. BƏYAZ HƏRƏKAT olaraq bəyan edirik ki, Respublikamızda fəaliyyət göstərən hər bir milli qüvvə, təşkilat bizim üçün doğma olmaqla bərabər, rəhbərlərinə də hörmətimiz və sayğımız sonsuzdur. Bizim altında imzamız olan münasibətimiz həqiqətdir və fəaliyyətinizə, şəxsinizə verdiyimiz əsl qiymət də bu imzamızın üstündədir. Bu imzadan kənar təxribatlar nə BƏYAZ HƏRƏKATI, nə də Milli Birlik naminə fəaliyyət göstərən təşkilatları yolundan döndərə bilməyəcək. Ünsiyyət və xoş münasibətlərimizi pozmağa cəhd edən ünsürlərin əsl cavabını nümayiş etdirəcəyimiz birliyimizlə verməliyik. İndi düşmən sevindirməyə vaxtımız yoxdur. Hörmətlə,

BH təşkilat komitəsinin sədri:  Hürrü Əliyev

Hazırladı: ictimai müxbir Cəfərova Günel

Azerbaycanrealligi.com