Türkiyəli mütəxəssisdən XƏBƏRDARLIQ: “Siqaret tüstüsü gözləri kor edir”

Türkiyəli mütəxəssisdən XƏBƏRDARLIQ: “Siqaret tüstüsü gözləri kor edir”

Siqaretin sadəcə ciyərlərə deyil, bədəndəki bir çox orqana zərər verməsini hər kəs bilir.

Bunlardan biri də, daha aydın şəkildə desək, ən vacibi insan gözüdür. Mütəxəssislər tərəfindən aparılan araşdırmalar zamanı məlum olub ki, siqaret çəkənlər və siqaret çəkənlərin yanında dayanan insanlar belə kor olmaq təhlükəsi ilə üz-üzədir.

Siqaret çəkməyin gözlərə mənfi şəkildə təsir etdiyini deyən türkiyəli mütəxəssis doktor Şeyda Atabaysiqaret istifadə edən şəxslərin göz xəstəliklərinə yaxalanması haqda xəbərdarlıq edib.

O siqaret çəkənlərə xəbərdarlıq etməklə yanaşı bir neçə tövsiyələr də verib: “İnsanlara siqaret çəkməməyi və çəkilən ortamlardan uzaq durmağı tövsiyk edirəm. Çünki gözlərimiz bədən üzvlərimizin ən həssas orqanlarından biridir. Sağlıq baxımından həyatımızın hər dönəmində gözlərimizi kontrol etməliyik. Siqaretdəki toksik maddələr göz damarları tıxanıqlığına gətirib çıxarır. Daha sonra ortaya sarı nöqtə xəstəliyi çıxır. Sarı nöqtə görmə hüceyrələrindən ibarət olan, damar ehtiva etməyən, uzağı görməyi və rəngləri qəbul etməyi təmin edən bir bölgədir. Aydınlıqda görmədən məsul hüceyrələr də burada yerləşir. Ayrıca olaraq siqaret tüstüsü konyuktivit, infeksiya və göz qurumasına da gətirib çıxarır.

Türkiyəli mütəxəssis alkaqolun da gözlərə verdiyi zərərdən danışıb: “Spirtli içkilərin də gözlərin zəifləməsində rolu var. Spirtli içki özəlliklə beyinə təsir edir. Sinir sistemini sıradan çıxarır. Davamlı spirtli içki qəbul etmək sinir sisteminin iş prosesini yavaşladır. Bununla yanaşı, görmə qabiliyyəti də pozulur. Keyfiyyətsiz spirtli içkilərdən baş verən metil spirti zəhərlənməsi zamanı hər iki gözdə ani korluq və geri dönüşü olmayan fəsadlar ola bilir.
Turan Oruc
Musavat.com