Gəncə Psixatriya Xəstəxanasında ÖZBAŞINALIQ - Burda sağlam adam da DƏLİ EDİRLƏR!

07, 11, 22
14:00

Gəncə Psixatriya Xəstəxanasında ÖZBAŞINALIQ - Burda sağlam adam da DƏLİ EDİRLƏR!


Baş həkim qondarma akt hazırlatdırarkən özünə yaxın şəxslərin, o cümlədən xəstəxanada pisxoloq vəzifəsində işləyən qızının, baş tibb bacısının, həmkarlar təşkilatının sədri vəzifəsində çalışan Züleyxayanın və təsərrüfat şöbəsinin müdiri işləyən şəxsin imzasından məharətlə istifadə edir

Yəqin ki, hər kəs o haqda müəyyən məlumata malikdir ki, təbabətin bütün sahələrində olduğu kimi, psixiatriyanın da yaranma tarixi mövcuddur. Faktdır ki, hər bir Adəm övladı bu dünyaya göz açıb psixi xəstəliklərlə qarşılaşarkən, təbiblər bu xəstəliklə bağlı müalicə yolları axtarmışlar. Nəhayət, XIX-cu əsrdən etibarən tibb sahəsində ruhi xəstəlikləri müalicə edən mütəxəssislər meydana çıxmağa başlamışdır. Qeyd edək ki, insan yaranandan özünün dünyagörünüşünə görə, təbiətdə və onu əhatə edən mühitdə hər bir şeyi ruhu-qəlbi ilə qavrayır və emosiyalarla ona reaksiya verir. Baş verən hadisələrə insanların verdiyi reaksiyalar emosional fonda olmaqla bərabər, onun əhval-ruhiyyəsinin durum dərəcəsini də göstərir. İnsanların düşdükləri ruh dəyişikliklərinin orqanizmə təsiri, məhz onları düşünməyə sövq etdi.

Psixi fəaliyyət özlüyündə beynin özünəməxsus funksiyası olub, ətrafa münasibəti vəhdət şəklində bildirir. Əgər bu vəhdət müəyyən səbəblər üzündən pozulursa, artıq bu psixi fəaliyyətin pozulması, yəni patologiyanın əmələ gəlməsi deməkdir. Yəni, faktdır ki, əmələ gələn patologiyanın aradan qaldırılması, bir sözlə müalicəsi, reabilitasiyası və profilaktikası ilə psixiatriya elmi və bu sahədə çalışan mütəxəssislər məşğul olurlar.

Qeyd edək ki, ölkəmizdə bir çox sahələr kimi, səhiyyə sahəsinin inkişaf etdirilməsi də bu gün dövlət və hakimiyyət orqanlarının qarşısında duran əsas vəzifələrdən biri hesab olunur. Belə ki, hər il bu istiqamətdə yeni-yeni islahat proqramları həyata keçirilir və bu sahənin maddi-texniki bazasının yaxşılaşdırılması yöndə ciddi addımlar atılır. Məsələn, buna misal olaraq 2020-ci ildə ilin iyun ayında Gəncə şəhərində 200 çarpayılıq beşmərtəbəli yeni Psixatriya Xəstəxanasının istifadəyə verilməsini qeyd etmək olar. Belə ki, ölkə rəhbərinin verdiyi tapşırıqlar əsasında şəhərin “Bağmanlar” adlanan ərazisində, yəni B.Əliyev-2 ünvanında bu səhiyyə müəssisəsinin inşaasına başlanır və qeyd olunan tarixdə də təhvil verilir.

Hal-hazırda Gəncə Psixatriya Xəstəxanasında 4 şöbə fəaliyyət göstərir ki, həmin şöbələrdən 3-ü kişilər üçün, 1-i isə qadınlar üçün nəzərdə tutulub.

Bundan əlavə, hər şöbədə ağır xəstələr üçün xüsusi izolasiya otaqları, yeməkxana, istirahət yerləri yaradılmışdır. Xəstəxananın birinci mərtəbəsində laboratoriya, stomatoloji kabinet, şüa diaqnostika şöbəsi, EKQ, mühasibatlıq şöbəsi, psixoloq kabineti, kadrlar şöbəsi və operator otağı yerləşir. Bundan başqa, həmin mərtəbədə aptek də fəaliyyət göstərir. Faktdır ki, bu Psixiatriya Xəstəxanasında Gəncə şəhəri ilə bərabər, ətraf şəhər və rayonlardan gələn xəstələrin də muayinə və müalicə işləri həyata keçirir.

Bütün bunlara baxmayaraq, media üzərindən apardığımız araşdırmalardan, şəhər sakinlərinin Dəryaz qəzetinin redaksiyasına daxil olan məlumatlarda deyilir ki, Elmira Mirzəyeva bu xəstəxanaya baş həkim təyin olunduqdan sonra, Gəncə Psixatriya Xəstəxanasında hər cür qanunsuzluqlara qol qoymaq adi hala çevrilir. Yəni, bu xəstəxanada xeyli sayda işçilərin adları ştat cədvəlinə yazılır, amma onların çoxu iş başında tapılmırlar. Düşündürücü hal odur ki, işçilərin əksəriyyəti gecə növbəsinə yazılırlar və onlar gecə növbəsində işə çıxmadıqlarından, əksər vaxtlarda tabel sənədlərinə həmin şəxslərin əvəzindən baş tibb bacıları qol çəkirlər. Söz yox ki, Elmira Mirzəyevanın belə bir addımını atmasının əsas bir səbəbi var. Yəni, bu xəstəxananın rəhbərliyi gözəl bilir ki, gecə növbəsində çalışanların işləri nadir hallarda dövlət qurumları tərəfindən araşdırılır. Bir sözlə, “dərə xəlvət, tülkü bəydir” yanaşması özünü göstərir.

Deyilənlərə görə, baş həkim Elmira Mirzəyeva vəzifəsini yerinə yetirməyə başladığı ilk vaxtlardan daşıdığı vəzifəsindən sui-istifadə edir, adı işdə olub özləri işdə olmayan işçilərə gün yazır və onlara çatmalı olan əmək haqqlarını mənimsəyir, dövlət tərəfindən xəstələrə verilən ərzaqları, yataq dəstlərini, ayaqqabları, yuyucu mayeləri, geyim paltarlarını və s. bazarlarda, ticarət mərkəzlərində satdırır. Baş həkim bu cür mənimsəmə əməllərini “VAZ-06” markalı 57-BE-836 və “Mersedes” markalı 20-DJ-856 dövlət nömrə nişanlı nəqliyyat vasitələri ilə yerinə yetirir. Elmira Mirzəyeva xəstəxanada baş həkim işlədiyi vaxtlardan rüşvətxorluq və korrupsiya yolu ilə saxta sənədlər hazırlayıb minbir fırıldaq əməllərinə qol qoyur.

Media üzərindən apardığımız araşdırmalar zamanı belə bir məlumat da əldə etdik ki, Gəncə Psixatriya Xəstəxanasında baş həkim vəzifəsini daşıyan Elmira Mirzəyeva, tabeliyində çalışan hansısa bir şəxsi cəzalandırmaq istədikdə, özünəməxsus “mobil dəstə”sinin rolundan məharətlə istifadə edir. Məsələn, tutaq ki, bu xəstəxanada çalışan işçilərdən hansısa biri baş həkimin talançılığına, qanunsuzluq əməllərinə və s. dözə bilmir və belə bir əməllərə qəti etdirazını bildirir, o halda Elmira Mirzəyeva “mobil dəstə”ni hərəkətə gətirib, həmin şəxs barəsində qondarma akt tərtib etdirir. Yəni, guya ki, həmin şəxs ya işinin öhdəsindən gələ bilmir, ya işə gecikir, ya da ki, hansısa əməllərə və s. qol qoyur adı altında akt yazdırır. Qeyd edək ki, baş həkim qondarma akt hazırlatdırarkən Gəncə Psixatriya Xəstəxanasında özünə yaxın olan şəxslərin, o cümlədən

xəstəxanada pisxoloq vəzifəsində işləyən qızının, baş tibb bacısının, həmkarlar təşkilatının sədri vəzifəsində çalışan Züleyxayanın və təsərrüfat şöbəsinin müdiri işləyən şəxsin imzasından məharətlə istifadə edir.

P.S. Hörmətli oxucular! Sizi son iki ay ərzində Gəncə Psixatriya Xəstəxanasında baş verən, yaxud da qol qoyulan türürpədici əməllərin mahiyyəti ilə də məlumatlandırmağa çalışacağıq. Ona görə də bizi izləyin ki, bizim yazdıqlarımızdan xəbəriniz olsun. (Deryaz.az) 

AZƏRBAYCANREALLIĞI.COM 

Bizimlə əlaqə saxlayın