Rusiya Azərbaycana uçuşlara qoyulan qadağanı aradan qaldırdı

11, 03, 22
21:00

Rusiya Azərbaycana uçuşlara qoyulan qadağanı aradan qaldırdı


Rusiya COVID-19-la əlaqədar Azərbaycan, Ermənistan, Qazaxıstan, Qırğızıstan, Tacikistan, Türkmənistan, Özbəkistan və İrana müntəzəm və müntəzəm reyslərə tətbiq etdiyi məhdudiyyətləri qarşılıqlı əsaslarla aradan qaldırıb.

Bu barədə "Rosaviasiya"nın açıqlamasında deyilir.

"Rusiya Federasiyası hökumətinin qərarına əsasən, Azərbaycan, Ermənistan, Qazaxıstan, Qırğızıstan, Tacikistan, Türkmənistan, Özbəkistan və İrana qeyri-müntəzəm və müntəzəm uçuşlara COVID-19-un yayılması səbəbindən tətbiq edilən məhdudiyyətlər aradan qaldırılır", - məlumatda bildirilir.
Bundan əvvəl Belarus, Dominikan Respublikası, Misir (Qahirə istisna olmaqla), Birləşmiş Ərəb Əmirlikləri, Türkiyə, Finlandiya, Çexiya, İsveçrə, Cənubi Koreya və Kubaya uçuşlar üçün tətbiq edilən COVID-19 məhdudiyyətləri də tam aradan qaldırılıb.

Bu ölkələrə uçuşlar indi yalnız hava nəqliyyatı haqqında hökumətlərarası sazişlərin müddəaları və ölkələrin aviasiya orqanları arasında ayrı-ayrı sazişlər ilə məhdudlaşdırılır.

Müntəzəm və qeyri-müntəzəm uçuşları yerinə yetirərkən aviaşirkətlər Rusiya Federasiyasının Baş Dövlət Sanitariya Həkiminin "COVID-19-un yayılmasının qarşısının alınması üçün izolyasiyanın təmin edilməsi haqqında" Fərmanının müddəalarına əməl etməlidirlər.

AZƏRBAYCANREALLIĞI.COM

Bizimlə əlaqə saxlayın