Hacıbəy Zakatalski Ölkə başçısına müraciət etdi.

Xeyriyyətçi iş adamı Zakatala rayonunda yerləşən LƏZZƏT” Ailəvi  İstirahət Mərkəzinin rəhbəri Hacıbəy Zakatalski üzləşdiyi məmur özbaşınalığı ilə bağlı ölkə başçısı İlham Əliyevə və digər güc strukturlarına şikayət məktubu ünvanlayıb. O, ünvanladığı məktubun bir nüsxəsini Azerbaycanrealligi.com saytına göndərərək dərc edib ictimayiləşdirilməsin xahiş edib.Sözü gedən məktubu oxucularmızın diqqətinə çatdırırıq.

Amerika yazıçısı Qreyk Kopitas özünün “Politbüro ayı ovunda” kitabının 8-ci fəslini mənim həyatıma həsr etmişdir. Bir çox xarici dövlətlərin fəxri vətəndaşıyam. Ölkəmizdə tanınan xeyriyəçiyəm.  Hər şeyi Allah yolunda  etmişəm, deputat olmaq üçün etməmişəm. Ölkəmizin müstəqilliyinə həsr olunmuş Beynəlxalq Dzüdo yarışının yeganə sponsoru olmuşam. 

Hamısı faktdır, sübutdur 1987-ci ildə  yaratdığım “Ləzzət” Ailəvi İstirahət Mərkəzinin şöhrəti tezliklə bütün dünyaya yayılmışdır. Çox təəsüflər olsun ki,  ölkəmizin harınlamış, özlərindən başqa heç kimi tanımaq istəməyən, rüşvətxor dövlət məmurları mənimlə fəxr etmək əvəzinə, rüşvət vermədiyimə görə  ( 17 ildir) həyatımı cəhənnəmə döndərmişlər. Möhtrəm Prezidenntimizə  2004-cü ildən bu il 2021-ci ilə kimi şikayət məktubları ünvanladım.  Prezident aparatında işləyən, mənə qarşı düşmən olanların havadarları kimdən şikayət yazmışamsa, şikayət məktubunu onun ünvanına göndəriblər O, da məni böhtançı kimi qələmə verib, Zaqatala rayonunda işləyən  Seyfəli adlı hakimə göndərib.  Hakim də heç nəyi araşdırmadan  mənə 6 ay icbari iş kəsdi. Hər ay 20 manat dövlətə ödədim. 

Sonralar Prezidentimizə, ölkəmizin aidiyyatı orqanlarına 20-yə yaxın şikayət məktubları    göndərdim. Heç bir məktuba cavab gəlmədi. 

Mən ölkəmizdə ilk qoyunçuluq ferma təsərrüfatını yaratdım. 32 ildir həmin təsərrüfat müvəffəqiyyətlə  fəaliyyət göstərdi. 2017-ci ildə yoxlama zamanı müəyyən olundu ki, təsərrüfatımda  258 baş xırda buynuzlu heyvanlar çatışmır.  Fermamızda baş çoban işləyən Məmmədov Rafiq Şəmsəddin oğlunun ucbatından qoyunlarım oğurlanıb satıldığı müəyyən olundu. Mən Məmmədov Rafiqi işdən çıxartdım. Baş vermiş çatışmamazlığı araşdırmaq üçün  Məmmədov Rafiq Şəmsəddin oğlunu ofisə dəvət etdim, o isə gəlmədi. Mən Məmmədov Rafiqi Polis şöbəsinə verdim. Polis şöbəsində müəyyən etdilər ki,  baş vermiş cinayət prokurorluğa aiddir. 

Mən Məmmədov Rafiqi Zaqatala rayon Prokurorluğuna verdim. Baş vermş cinayəti Zaqatala rayon Prokurorluğunun müstəntiqi Valeh adlı şəxs aparırdı. ( Zaqatala rayonun keçmiş Prokuroru Əli Abdullayevin müstəntiq Valehin cinayət işinin aparılması xoşuma gəlmədi.)  Mən Respublikamızın  Baş Prokuroru Zakir Qaralova və  Zaqatala rayon Prokuroru  Əli Abdullayevə məktub ünvanladım. Bildirdim ki, Sizin  apardığınız istintaq  mənə laızm deyil, Siz düzgün istintaq  aparmırsınız. Heç aidiyyatı olmayanları  istitaqa cəlb edərək, Sizə əl verən qaydada  qorxuzub izahat yazdırırsınız.

Nə Baş Prokurorluq, nə də  Zaqatala rayon Prokurorluğu  məktubuma reaksiya vermədilər.  İstintaq yekunlaşanda məlum oldu ki,  Məhkəmə Ekspertiza Mərkəzində 08 iyun  2018-ci il tarixdə  daxil olmuş  12833 №-li  Məhkəmə Əmtəşunaslıq  Ekspertizanın rəyində 242 baş  xırda buynuzlu heyvanlar orta bazar qiymətində 32720 manat müəyyən edilmişdir. Həmin məbləğ Əli Abdullayevin göstərişi ilə müstəntiq Valeh həmin məbləği azaldaraq 19140 manata salmışdır.  Həmin məbləğin azaldılmasına heç bir  əsas yoxdur.

Mən yenidən Prokurora bildirdim ki, Siz yenə istintaqı düzgün aparmırsınız. Nə üçün ümumi cinayət işindən 13580 manatı ayırıb, mülki işə verilməsini göstərirsiz. Heç bir cavab ala bilmədim. İşi verdilər məhkəməyə. Məhkəməni bir neçə dəfə uzatdılar. Məhkəmə hakimi A.İsmayılov mənə şəxsən bildirdi ki,  mən prokuror Əli Abdullayev aparan istintaq heç nə deyə bilmərəm. 13580 manat mülki iş kimi sonradan  məhkəməyə verə bilərsən. 

Mən Zaqatala rayon Məhkəməsində mülki iş kimi iddia qaldırdım. Zaqatala rayon Məhkəməsinin sədri Elbrus Məmmədov mənə bildirdi ki, 13580 manatlıq mülki işə mən baxmayacam. Mən soruşdum, əgər Siz baxmayacaqsızsa mülki işin vaxtını və  gününü niyə təyin etmisiniz. Mən iş adamıyam niyə mənim iş ahəngimi  pozursuz.  Bir neçə gündən Elbrus Məmmədov mülki işin hökmünü mənə göndərdi.  Mən bildirdim Elbrus müəllim necə olur ki, məhkəmə baxmayan işin qətnaməsini  mənə göndərirsiz.Mənə bildirdi ki,  necə laızm elə də etmişik. 

Qondarma mülki işin hökmündən Şəki Apellyasiya Məhkməsinə  şikayət verdim. Şəki Apellyasiya Məhkəməsi  1(bir) aydan sonra  məni məhkəməyə dəvət etdi. Mən işimi gücümü ataraq oraya getdim.  Şəki Apellyasiya Məhkəməsinin hakimi Məcidov , Əsədli və Abbasov  mənə bildirdi ki, sizin iddianız ləğv olunub və rəd edilib. Aradan bir ay keçəndən sonra  mənə Şəki Apellyasiya  Məhkəməsinin hökmü gəldi. Mən hakimə bildirdim ki, məhkəmə işə baxmayıb,siz necə olur mənə hökmü göndərdiniz soruşduqda , sənə dəxli yoxdur dedi.  Bir qədər keçəndən sonra mən  Şəki Apellyasiya Məhkəməsinin qərarından Ali Məhkəməyə kassasiya  şikayəti  verdim. Bir aydan sonra Ali Məhkəmənin Mülki Kollegiyasından  2(102)-4722/2020 saylı 17 noyabr 2020 ci il tarixli qərarın surətini aldım. Ali Məhkəmənin qərarında əvvəlki instansiya məhkəmələrin  ssenarisini gördüm. Ali Məhkəmənin qərarndan heçnə yazmaq istəmirəm.

Qətnamələrdə hamısı böhtan, hamısı yalan yazılmışdır Belə çıxır ki, Azərbaycan Respublikasında pilləli məhkəmələr Prokurorluqdan başlayaraq hamısı biri birindən əlbirdi.  Kim nə istəsə, necə istəsə hökm çıxarırlar.  

Məhkəmə iclası keçirlmədən hökm çıxaran məhkəmə hakimlərindən  ədalət gözlənilə bilməz.  Cinayətkarları təmizə  çıxarmaq üçün  Prokurordan başlayaraq hakimlər gəlir mənbəyi axtarırlar. 17 ildir Məhkəmələrin, Prokurorluğun müxtəlif iyrənc üzlərini görmüşəm. Mənim yazdıqlarımın sübutu yoxdursa, mənası yoxdursa  deməli mən Prokurora, Məhkəmə hakimlərinə  böhtan atıram. Mənə ömürlük həbs cəzası verilməlidir. Sonda mən Sizdən xahiş edirəm  mənə bildirin,  mənə qarşı törədilən cinayətlər barəsində  Azərbaycan dövlətində  hara şikayət edə bilərəm. 

rəhbəri, ağsaqqal