Manaf Ağayevlə qalmaqal yaşayan jurnalist 3 il azadlıqdan məhrum oluna bilər.

Son zamanlar şou-biznes nümayəndələrinə, xüsusən də, Manaf Ağayevlə böyük qalmaqal yaşamış Xeberal.az saytının təsisçisi və baş redaktoru jurnalist Mirismayıl Xələfli qeydiyyatda olduğu Ağsu rayonu məhkəməsinə verilib. Bu haqqda Azerbaycanrealligi.com -a məlumatlı mənbə xəbər verib. Onu məhkəməyə verən şəxs isə şou-biznes nümayəndəsi, tanınmış müğənni Afət Fərmanqızıdır. Səbəb isə bu yaxınlarda Xeberal.az saytında gedən "Afət Fərmanqızı meyxanaçının musiqisini oğurladı" başlıqlı yazı ilə baglıdır. Müğənni saytda gedən yazıda ona şər, böhtan atıldığını iddia edir. Elə buna görə də, jurnalistin xüsusi ittiham qaydasında cinayət məcəlləsinin 147.1 ve 148.2-ci maddələri ilə məsuliyyətə cəlb olumasını xahiş edib. Adı çəkilən iş üzrə bir neçə gündən sonra məhkəmə hazırlıq iclasının keçiriləcəyi gözlənilir. Həmin ittiham üzrə jurnalisti ağır cərimə və ya 3 ilə qədər azadlıqdan məhrumetmə cəzası gözləyir. Məlumatlı mənbə qeyd edir ki, müğənninin jurnalisti məhkəməyə verməsi haqqında heç bir sifariş yoxdur. Jurnalistin məhkəmədə azad olunma ehtimalları da böyükdür. Səbəb isə Mirismayıl Xələflinin redaktor olduğu saytda və sosial şəbəkədə ölkə başçısına verdiyi dəstəkdir ki, onu hər an xilas edə bilər. Çünki jurnalist hər zaman mediada hakimiyyətə verdiyi böyük dəstəyə görə bəzi məmurların da böyük rəğbətini qazanıb.

Azerbaycanrealligi.com