Tanınmış iş adamı İsfəndiyar Axundov qardaş ölkəyə köməyini əsirgəmədi - AÇIQLAMA

Sosial şəbəkələrdə özlərini "Şərur" MTK-nin rəhbəri İsfəndiyar Axundovun yaxın qohumları adlandıran şəxslər iş adamının Türkiyədə baş verən zəlzələdə zərər çəkənlərə 5 milyon dollar yardım göndərməsi barədə məlumatlar yayıb. "Şərur" MTK- nın Mətbuat xidmətinin rəhbəri Tünzalə İsmayılova açıqlamasında bildirdi ki, Türkiyədə baş verən zəlzələdə zərər çəkənlərə yardım edilib, lakin sosial şəbəkələrdə yayılan məlumatlarda bu məbləğ şişirdilib.

 Tünzalə İsmayılova

"Bildiyimiz kimi, Qardaş Türkiyəyədə baş vermiş faciənin nəticələrinin aradan qaldırılması ilə əlaqədar Azərbaycandan Türkiyəyə genişmiqyaslı yardım,  "Qardaş Köməyi” Platforması yaradılıb. Təbii ki, İsfəndiyar Axundov da qardaş köməyini əsirgəmədi.

Tanımadığımız şəxslər özlərini İ.Axundovun yaxın qohum adlandıraraq sosial şəbəkələrdə güya beş milyon dollar yardım etdiyimizi yayımlayır. Bəli, yardım etmişik, ancaq məbləğ şişirdilib", -deyə o bildirib. 

Tünzalə İsmayılova edilən yardımla bağlı məbləği açıqlamağa ehtiyac duymadığını qeyd edib: "Sadəcə, onu deyə bilərəm ki, yayılan məlumatlar tamamilə yalnışdır" (Avropa.info)

AZƏRBAYCANREALLIĞI.COM   

Bizimlə əlaqə WhatsApp (055) 8288841