Nərgiz Paşayeva vitse-prezident seçildi

08, 06, 18
17:29

Nərgiz Paşayeva vitse-prezident seçildi


Azərbaycan Milli Elmlər Akademiyasının (AMEA) bu gün keçirilən ümumi yığıncağında yeni vitse-prezidentlər seçilib.
Azerbaycanrealligi.com Report-a istinadən xəbər verir ki, AMEA-nın prezidenti Akif Əlizadə vitse-prezidentlərin sayının üç nəfər artırıldığını diqqətə çatdırıb.
Belə ki, akademik Nərgiz Paşayeva həm AMEA Rəyasət Heyətinin yeni üzvü, həm də vitse-prezident seçilib. O, təhsil sahəsi üzrə işlərə baxacaq. Biologiya sahəsi üzrə İradə Hüseynova həm üzv, həm də vitse-prezident seçilib. Akademiyanın müxbir üzvü Bilal Bilalov isə vitse-prezident vəzifəsini icra edən seçilib. Eyni zamanda o da Rəyasət Heyətininin üzvü olub.
AMEA-nın digər vitse-prezidentləri vəzifələrinə yenidən akademiklər İbrahim Quliyev, İsa Həbibbəyli, Tofiq Nağıyev və Dilqəm Tağıyev seçiliblər.
Bundan başqa, səsvermə nəticəsində Biologiya və Tibb Elmlər Bölməsinin akademik katibi Əhliman Əmiraslanov, Fizika-Riyaziyyat və Texnika Bölməsinin akademik katibi Nazim Məmmədov, Yer Elmləri Bölməsinin akademik katibi Fəxrəddin Qədirov, Kimya Bölməsinin akademik katibi Dilqəm Tağıyev, İctimai Elmlər Bölməsinin akademik katibi Nərgiz Axundova, Humanitar Elmlər Bölməsinin akademik katibi Teymur Kərimli olub.

Bizimlə əlaqə saxlayın