Bakı C
Xəbər lenti
16 yan 2019, 21:44
Arif Hacılı Türkiyədə xəstəxanaya yerləşdirilib...
Axtar
Saytdan xoşunuz gəlirimi?

» » Daha bir partıya sədiri Mehman Hüseynovun müdafiyəsinə qalxdı: "Qorxunun əcələ təsiri olmaz. Mehman millətə lazımdır. Onu məhv etməyin. azad edin!"

Daha bir partıya sədiri Mehman Hüseynovun müdafiyəsinə qalxdı: "Qorxunun əcələ təsiri olmaz. Mehman millətə lazımdır. Onu məhv etməyin. azad edin!"

07 yan 2019, 10:34   
    1 203 Baxışа

Vətəndaş  İnkişaf Partiyasının sədri Əli Əliyev özünün facebook sosial şəbəkəsindəki şəxsi hesabında  tanınmış bloger Mehman Hüseynovu müdafiə edən status paylaşıb. Azerbaycanrealligi.com olaraq sözügedən statusu nəzərinizə çatdırırıq

Bu gün cəmiyyətin diqqəti, blogger Mehman Hüseynova qarşı olan haqsızlığa və onun mərdanə fədakarlığı, aclıq aksiyasına yönəlib. Cəmiyyət mümkün qədər etiraz edir. Belə də olmalıdır. Amma nədən iqtidar bu "torba" əməliyyatına indi əl atdı? Axı, bu günə qədər üzə duranlar, həbs müddətinə bir neçə gün qalmış hərəkətə keçirdi. Mehmanın qazamat həyatına bir neçə ay qalan vaxt, ölkənin bayram ərəfəsində olduğu günlərdə belə əməliyyat hansı niyyətdən xəbər verir?

Fikrimcə, iqtidar bu qərarla daha bir neçə alt məqsəd güdür. Kimsə prezidenti inandırıb ki, bu yolla cəmiyyəti qorxutmaq olar. Yaxud fəal olub, hakimiyyətə biyət etməyənlərin həbsdə ömürlük qalacağı təəssüratını yaratmaqda fayda var. Daha nələrsə, Allah bilir.
Mənə görə, bu addım oyanmaqda olan toplumun diqqətini əsas proseslərdən yayındırıb, törəmə fəsadlara fokuslamaqdır. Yaranmaqda olan etiraz dalğasının təşkilati formatı- Xalq hərəkatının yaranışını kölgəyə salmaqdır. Bu yolda bir gəncin taleyini sındırmaqdan belə çəkinmirlər. Mehmanın orqanizmində yarana biləcək geridönməz proseslər onları qorxutmur. Çünki özləri bərk qorxur və narahatdırlar.
Belə manevrlər Xalq hərəkatının qarşısını ala bilməyəcək. Çünki Mehmanın həbsdə olmasının, digər ictimai, siyasi, sosial və digər müşküllərimizin kökü yanlış idarəçilikdədir. Toplum ünvanı tanıyıb. Ünvana çatma yolunu da görməyə başlayıb. Vasitəsi də Hərəkat olacaq. Hərəkat formalaşmaqdadır. Yaranacaq da!

Qorxunun əcələ təsiri olmaz. Mehman millətə lazımdır. Onu məhv etməyin. Durun. Refleksləriniz becə yerədir. Mehmanı azad edin! 

Hazırladı: Dəyanət Babayev - əlaqə nömrəsi (055) 8288841

Azerbaycanrealligi.com  
Şərh
yenilə, əgər kod görünmürsə