Qubaxəlilli kənd sakinləri “işğalçı” fermerin özbaşınalığına görə, aksiyaya hazırlaşır

İsmayıllı rayon Qubaxəlilli kənd sakinləri, kənd sakinlərinin taxıl sahəsini bilərəkdən özünün mal-qarası ilə otartdıran Ağsu rayon Pirhəsənlə kənd sakini Əsgərov Ayətdin Cənayət oğlundan Sozcu.az saytı vasitəsi ilə aidiyyəti qurumlara müraciət edərək, kömək istəyirlər.

Azerbaycanrealligi.com xəbər verir ki, bu haqda Sozcu.az saytı həmin şikayət məktubunu təqdim edir:

“Biz İsmayıllı rayon Qubaxəlilli kənd sakinləri kəndimizin ərazisində 200 hektaradək otlaq və taxıl sahəsi,minlərlə qoyun,100-lərlə toyuq və hətta İngiltərədən gətirilən uzunqulağı belə saxlayan fermer Ayəddinin zülmündən bezmişik. Bu adam bu qədər əmlakının olmasına baxmayaraq sakinlərin taxıl sahələrini “işğal” edir,taxıl sahəsini verməyənlərə isə bilərəkdən çobanlarına taxıl sahələrini otararaq bezdirib istəyinə nail olmağa çalışır.2018-ci ildə Qubaxəlilli kənd bələdiyyəsi fermer Ayəddinlə bələdiyyə torpaqlarından otlaq sahəsi kimi istifadə etdiyi ərazilər daha müqavilə ilə verilməmişdir.Çünki o otlaq sahəsinin kənarındakı taxıl sahələrində qoyunlarını otarır. Qubaxəlilli kənd sakini Abdullayev Fatehə məxsus 1,5 hektardan çox ərazini mənimsəyib vermir və qoyunlarını həmin sakinə məxsus ərazidə otarır”.
Digər kənd sakini Abdullayev İsbəndiyar bildirib ki, Ayəddin Əsgərov ona məxsus torpaq sahəsindən xəsil üçün istəmişdir. Lakin razılaşma alınmadığı üçün Ayəddin Cəlilov qoyunlarını otaracağını və onunla axır-əvvəl məcubur olub razılaşacaqlarını bildirib.
İsbəndiyar Abdullayev bildirir ki, hal-hazırda ona məxsus taxıl sahəsini bilərəkdən qoyunlara otartdıraraq, onları bezdirib torpaq sahəsini əldə etməyə çalışır.

Digər kənd sakinləri də, Ayəddin Əsəgrovdan narazıdır.
Şikayətçilər bildirirlər ki, onsuz da acınacaqlı durumda olan kənd sakinlərinin dolanışığını Ayəddin Əsgərov taxıl sahələrini mal-qarasına otartdırmaqla , daha da çətinləşdirir və sakinlər narazı salır.
Sayta şikayət ünvanlayan Qubaxəlilli kənd sakinləri qeyd ediblər ki, əkin sahələrinin otarılması davam edəcəksə və Ayəddin Əsgərovun özbaşınalığının qarşısını alan olmayacaqsa, İsmayıllı rayonunun mərkəzində aksiya keçirəcəklər.
Şikayətçilərdən, Abdullayev İsbəndiyar və Abdullayev Fateh Ayəddin Əsgərovu məhkəməyə verməyə hazırlaşır və dovlətimizdən bu sadə zəhmətkeş insanları saymayan,narazı salan “işğalçı”nın zülmündən qurtmasını istəyir.

Şikayətçilər bunu da qeyd ediblər ki. artıq bu bununla bağlı Azərbaycan Respublikasının Prezidenti İlham Əliyevə şikayət məktubu ünvanlayıblar.



Azerbaycanrealligi.com