Şəmkir necə AĞLAR GÜNƏ QALDI - RƏŞAD TAĞIYEV ŞƏMKİRİ NİYƏ İDARƏ EDƏ BİLMİR?

06, 07, 22
11:00

Şəmkir necə AĞLAR GÜNƏ QALDI - RƏŞAD TAĞIYEV ŞƏMKİRİ NİYƏ İDARƏ EDƏ BİLMİR?


"Rəşad Tağıyevin Şəmkirə rəhbərlik etdiyi 10 ay müddətində barəsində gedən silsilə yazılar, haqqında deyilən tənqidi fikirlər hər gün öz sübutunu tapmaqdadır. Belə ki, gənc oğlan təsadüf nəticəsində ölkə rəhbərliyinə "fövqəladə istedadlı " gənc kimi təqdim olunaraq, Şəmkir kimi kənd təsərrüfatı, sənayə, istehsal üzrə ağır siyasi çəkiyə və maddi imkanlara malik rayona rəhbər təyin olundu". Bu barədə göndərilən məqalədə deyilir.

Daha sonra məqalə müəllifi davam edir: "Deyək ki, gənc oğlanın qisməti imiş gəldi çıxdı haqq etmədiyi vəzifəyə. Həyat onsuz möcüzələrlə doludur, bu da oldu növbəti möcüzə.

RƏŞAD TAĞIYEV ŞƏMKİRİ NİYƏ İDARƏ EDƏ BİLMİR?!

Dəfələrlə mediada gedən yazılardan, vətəndaşlarla görüşlərdə üzünə qarşı deyilənlərdən, qəbula gələn vətəndaşların konkret olaraq dediklərindən nəticə çıxarmağa bacarmayan, əksinə hər addımında, hər iclaslarında tabeliyində olan işçiləri təhdid etməkdən çəkinməyərək, agentura şəbəkəsi axtarmağa cəhd edən gənc oğlan, dönüb bir ətrafına baxsa daha yaxşı olar.

Gəldiyi ilk günlərdə özü ilə Bakıdan Şəmkir Kommunal Müəssisələr Kombinatına Alışan Yusibovu gətirməklə, ona icra hakimiyyətinun 57-AA-459 nömrəli xidməti avtomobilini ayırmaqla, Rəşad Tağıyev ilk siyasi səhvini etdi. Ardınca bütün ölkənin gözü Şəmkir rayon icra hakimiyyətinin 1 ci müavini vəzifəsində olduğunu bilərək, sadəcə olaraq doğum yeri Şəmkirin Seyfəli kəndi olan, doğulduğu gündən bütün ailəsi və nəsli ilə Bakıda yaşayan, dövlət qulluğunda 1 gün də olsun əmək fəaliyyəti olmayan, nitq qüsurlu Süleyman Zeynallının 1 ci müavin təyin olunmasına razılıq verməklə, daha ciddi səhv etdi. Niyə razılıq verməklə deyə qeyd edirik?! Çünki Rəşad Tağıyev hər çıxışında bildirir ki, belə məsləhət oldu, mən də razılaşdım, yoxsa Süleyman müəllimi mən hardan tanıyırdım ki ?! Təsəvvür edirsinizmi?!

Rəşad Tağıyevin davam edən səhvlərini saymaqla bitib tükənməz. Lakin ən vacibini qeyd edirik. Bu günlərdə qazi ilə bağlı baş verən faciənin birbaşa səbəbkarı Sənədlər və Vətəndaşlarla iş Şöbəsinin müdiri Elgün Seyidovdur. Belə ki, Vətəndaşlarla başçını görüşdürməyə məsul olan şəxsin laqeydliyi nəticəsində qazimiz az qala faciə nəticəsində həlak olacaqdı. Elgün Seyidov eyni zamanda özünü mətbuat xidmətinin rəhbəri kimi təqdim etməyə çalışır. Sual olunur, dünənki hadisədən dərhal sonra bütün media nümayəndələri Elgün Seyidovdan informasiya almağa çalışdığı halda niyə Elgün Seyidov zənglərə cavab verib doğru açıqlama vermədi?!

Rəşad Tağıyev neçə ki Alimpaşa Məmmədovdan qalmış səriştəsiz, qabiliyyətsiz, savadsız kadrlardan canını, yaxasını qurtarmayıb, beləcə biabır olmağa məhkum olacaq ! Neçə ki, Rəşad Tağıyev Süleyman Zeynallı ilə, Alışan Yusibovla gələcək görəcək, deməli Şəmkirdən biabırçı şəkildə gedəcəyi gün uzaqda deyil ! HƏLƏ GEC DEYİL, CƏNAB BAŞÇI!"

İddia olunanlarla bağlı olaraq bütün maraqlı tərəflərun mövqelərini işıqlandırmağa hazırıq (Dia.az)


AZƏRBAYCANREALLIĞI.COM   

Bizimlə əlaqə saxlayın