Azərbaycanda Britaniya vətəndaşının mülkiyyət hüquqları məmurlar və məhkəmə tərəfindən pozuldu - VİDEO

Bakı şəhəri, Səbail rayonu, Badamdar qəsəbəsi, 3-cü dağ massivi, 28-ci küçənin sakini Vood Voolley Hicran Məhəmməd qızına məxsus fərdi-yaşayış evinin qarşısında 5 mərtəbəli qanunsuz tikili inşa edilmişdir.

4 mərtəbə və mansarddan ibarət həmin tikilinin şəhərsalma qaydalarına uyğun heç bir sənədləşdirilməsi həyata keçirilməmişdir. Sürüşmə zonasının yaxınlığı olduğuna görə həmin qanunsuz çoxmərtəbəli və çoxmənzilli tikili ətrafdakı evlərə ciddi təhlükə yaratmaqdadır.

Qeyd edək ki, xanım Vood Voolley Hicranın qızı Vood Volley Mary Böyük Britaniya vətəndaşıdır. Məsələ ilə əlaqədar olaraq açıqlama verən Hicran xanım bildirir ki, tikinti hələ yeni başlayanda aidiyyatı üzrə bütün dövlət qurumlarına müraciət etmişdir.

Müraciətinə əsasən qısamüddətli tədbirlər görülsədə sonradan tikintini həyata keçirən Hüseynov Ramin Hafiz oğlu heç kimə məhəl qoymadan işini davam etdirmişdir. Hətta xanımı əsassız tələblərlə məhkəmələrə verib uzun müddət məhkəmələrdə məşğul etməklə işini aparmışdır.

Xanım Vood Voolley işlə bağlı dövlətin ali rəhbərliyinə və Baş Prokuror Kamran Əliyevə müraciət edərək bu qanunsuzluğun aradan qaldırılmasına dair ona köməklik göstərilməsini xahiş etmişdir.

Daha ətraflı Video


Qarşı tərəfin mövqeyin dərc etməyə hazırıq.

AZƏRBAYCANREALLIĞI.COM