Niyazi Bayramov Mingəçevirdəki ortağına GƏNCƏDƏ DƏ SADİQDİR - İNCƏ MƏQAM

Gəncə Şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsinin elan etdiyi kotirovka müsabiqəsinin qalibi məlum olub.

Gəncə Şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsinin cari təmir işlər ilə bağlı elan etdiyi müsabiqənin qalibi Mingəçevir şəhər 5 saylı rayonlararası İstehsalat Təmir Tikinti Tresti olub. 25.11.2021-ci il tarixdə start götürən müsabiqəyə 08.12.2021-ci ildə yekun vurulub.

Mingəçevir şəhər 5 saylı rayonlararası İstehsalat Təmir Tikinti Tresti Gəncə Şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsinin sifarişi ilə cari təmir işlərini həyata keçirəcək və qarşılığında 39875 manat alacaq.

Bu əməkdaşlıq barədə məlumatlar dövlət satınalma portalı vasitəsilə ictimaiyyətə açıqlanıb. Amma,… “Park-Xiyaban” İstismar və Mühafizə İdarəsi bu tələbat və satınalmalarda bir mənbədən istifadə edilməsi metodunun səbəbləri barədə məlumat vermir(?)

“Dövlət Satınalmaları Haqqında” qanuna uyğun olaraq kotirovka sorğusu elan edilmədən, tələbat və satınalmada bir mənbədən istifadə edilməsi metodunun səbəbləri, eləcə də görüləcək işlərin həcmi barədə məlumat verilmədən…(?) “Park-Xiyaban” İstismar və Mühafizə İdarəsi bu tresti seçib və 39875 manat büdcə vəsaitini etibar edib…

“Park-Xiyaban” İstismar və Mühafizə İdarəsi həm də görüləcək işlərin təfərrüatını açıqlamır(?) Baxmayaraq ki, dövlət qurumu olaraq büdcə vəsaitinin xərclənməsində şəffaflığı təmin etmək, ölkə ictiamiyyətinə dəqiq, dolğun məlumat vermək bu dövlət təşkilatının da vəzifə borclarından biridir… Xüsusi ilə ölkəmizin indiki məlum maliyyə-iqtisadi durumunda bu məsələ dövlət yetkililərinin məsuliyyətini birə beş artırmış olmalıdır.

Azərbaycan Respublikası Prezidentinin 29 yanvar 2002-ci il tarixli, 668 saylı Fərmanı ilə qüvvəyə minmiş “Dövlət satınalmaları haqqında” Azərbaycan Respublikası Qanuna əsasən 5000 manatadək olan satınalmalar müqavilə, 5000-50000 manat arası satınalmalar kotirovka sorğusu metodu, qiyməti 50000 manatdan çox olan işlərin, malların və xidmətlərin satınalınması istisna yoxdursa, açıq tender üsulu ilə həyata keçirilir…

Elə isə sual olunur: Gəncə Şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsi nədən bu qanunu “unudub” və müvafiq kotirovka sorğusu baş tutmadan hansısa qurumla birbaşa müqavilə bağlayıb? Burada hansı bir istisna mümkündür ki?

Digər bir maraqlı faktor isə “Park-Xiyaban” İstismar və Mühafizə İdarəsinin 39875 manat büdcə vəsaitini etibar etdiyi tərəflə bağlıdır… Adından da göründüyü kimi Mingəçevir şəhər 5 saylı rayonlararası İstehsalat Təmir Tikinti Tresti əski Sovet dönəminə məxsus dövlər qurumlarından olub. “Olub” ona görə yazırıq ki, Mingəçevir şəhər 5 saylı rayonlararası İstehsalat Təmir Tikinti Tresti ilə nəinki əlaqə yarada bilmədik, ümumiyyətlə belə bir idarənin varlığını müəyyənləşdirmək mümkün olmadı: nə internet üzərindən, nə də digər vasitələrlə(?)

“Park-Xiyaban” İstismar və Mühafizə İdarəsi Mingəçevir şəhər 5 saylı rayonlararası İstehsalat Təmir Tikinti Trestini haradan, necə tapıb bu müəmma olaraq qalır…

Bu və digər suallara aydınlıq gətirmək məqsədi ilə Gəncə Şəhər İcra Hakimiyyətinin Tabeliyində “Park-Xiyaban” İstismar və Mühafizə İdarəsinin rəisi hörmətli İlyas Məmmədova ünvanladığımız elektron sorğuya hələ ki, cavab ala bilmirik(?)

Gəncə ŞİH rəhbəri Niyazi Bayramov hazırki vəzifəsinə qədər Mingəçevirdə icra başçısı işləyib. Buradan da Mingəçevir şəhər 5 saylı rayonlararası İstehsalat Təmir Tikinti Trestinin Gəncədə nədən mataha mindirilməsini təxmin etmək olar... (DİA.AZ)

İddia olunanlara bağlı olaraq bütün maraqlı tərəfləri dinləməyə hazırıq... 

AZƏRBAYCANREALLIĞI.COM