sitename

“AKKORD”dan jurnalistə qarşı qanunsuzluq əməli: BAŞ REDAKTORUN EVİ ZƏBT EDİLDİ –TƏFƏRRÜAT


Azərbaycanda müstəqil medianın kapitanlarından olan Əziz Qaraşoğlu qanunsuzluqla üzləşib.

Kanal 13-ün icraçı direktoru Əziz Qaraşoğlunun qanuni öz mülkiyyətində olan mənzilə “Akkord” Sənaye Tikinti Korporasiyası ASC-nin əməkdaşları cinayət törədərək basqın ediblər.

Azerbaycanrealligi.com 7NEWS.az-a istinadla xəbər verir ki, “Akkord”Sənaye Tikintisi İnvestisiya Korporasiyası ASC-nin pandemiya dövründə jurnalistin öz mülkiyyətində olan evinə basqın ediblər. Onlar Əziz Qaraşoğlunun Abşeron rayon, Xırdalan şəh., Bakı-Sumqayıt şossesinin 7-ci km-də inşa etdiyi 1 saylı binanın 11-ci blokunda yerləşən 29 saylı, 1 otaqdan ibarət, ümumi sahəsi 45.47 kv.m olan, Anar Orucova(Əziz Qaraşoğlunun qardaşı) məxsus mənzili dəmir alətlə qıraraq kilidini dəyişmiş və mənzili qanunsuz olaraq zəbt etmişlər. Hadisə ilə bağlı həmin ünvanda qeydiyyatda olan və yaşayan Əziz Orucov açıqlamasında baş verənləri təsdiq edib və bunun sırf Zakir Qaralov tərəfindən siyasi sifariş olduğunu deyib. Əziz Orucov baş redaktorun pandemiya dövründə evinin vəhşicəsinə zəbt edilməsini Prezidentin gördüyü işlərə kölgə salmaq və ölkəmizin beynəlxalq aləmdəki imicinə zərbə vurulması məqsədi ilə edildiyini deyib: “Qardaşım Anar Orucov 2007-ci ilin 8-ci ayında “Akkord” Sənaye Tikintisi İnvestisiya Korporasiyası ASC-dən ümumi dəyəri 27.000 manat olan mənzili kreditlə alır. 20 illik kredit dönəmində mənzilin ümumi dəyərinin əsaslı hissəsi ödənilir, daha doğrusu 21.560 manat vəsait şirkətin hesabına köçürülüb. Bu illər ərzində isə həmin mənzildə mən yaşamışam, təmir elətdirmişəm, rəsmi şəkildə bu ünvana qeydiyyata düşmüşəm. Qeydiyyatı isə “Akkord” şirkətinin özü təsdiqləyib. Pandemiya zamanında kənddə qaldığımızdan evdə heç kim olmayıb. Bütün məişət, şəxsi əşyalarımız evin içində ola-ola şirkət əməkdaşları “lomla” kilidi qıraraq, yenisi ilə əvəz ediblər. Bu gün mən öz mənzilimə gedə bilmirəm, əşyalarımın taleyindən bixəbərəm. Kreditin yerdə qalan 5440 manatı ilə bağlı şirkətlə dəfələrlə müzakirələrimiz olub, yaxın zamanda məbləğin tam ödəniləcəyi bildirilib. Lakin bütün bu proseslərdən sonra evimin vəhşicəsinə zəbt edilməsinin səbəbi nədir? Əgər bu siyasi sifariş deyilsə bəs nədir?”

Daha sonra Əziz Orucov hadisə ilə bağlı daha ciddi qanunsuzluqları tutarlı faktlarla ifşa edib: “Dünyanın hansı sivil ölkəsində mənzil sahibinin xəbəri olmadan, məhkəmə qərarı olmadan qapısı qırılır və evi əlindən alınır? Məncə, belə şeylər heç Mozambikdə, Zimbabvedə olmur. Bu gün Prezident İlham Əliyev jurnalistlərin sosial problemlərinin həlli üçün xüsusi proqramlar qəbul edir, mənzillər tikir, müxtəlif formada dəstəyini nümayiş etdirir. Onda belə bir sual ortyaya çıxır: Prezidentin iradəsinə qarşı kim çıxır? Kim jurnalistin daxma boyda evini quldur kimi zəbt edir? Bunların arxasında kim və ya kimlər dayanır? Belə çıxır ki, tanınmış hüquqşunas Aslan İsmayılovun Zakir Qaralovla bağlı dedikləri həqiqət imiş. Hər kəs bilir ki, “Akkord” şirkətində heç kim Zakir Qaralovun iradəsinə zidd gedə bilməzdi. Bəs o zaman nə baş verir? Pandemiya dönəmində cuzi kreditə görə ölkənin az-çox tanınmış baş redaktorunun evi, niyə belə ləyaqətsiz, əxlaqsız formada zəbt edilir? Bunun hüquqi və siyasi məsuiliyyətini kim daşıyır? Təkcə bu faktın özü ölkədə nə qədər böyük özbaşınalıqların olduğunu göstərir. Mən hələ sizə başqa faktları da deyəcəm. Deməli, 2007-ci ildə Anar Orucovla “Akkord” şirkəti arasında Abşeron rayon, Xırdalan şəh., Bakı-Sumqayıt şossesinin 7-ci km-də, 1 saylı binanın 11-ci blokunda yerləşən 29 saylı, 1 otaqdan ibarət, ümumi sahəsi 45.47 kv.m olan mənzilin alınması ilə bağlı müqavilə imzalanır. Şirkət bizi məhkəməyə verir və məhkəmə sənədində 2 otaqlı, 69 kv.m-lik mənzil qeyd olunur. Başqa bir sual ortaya çıxır: Axı biz fakt 1otaqlı 45 kv.m-lik mənzildə qalırıq, qərarda qeyd olunan 2 otaqlı mənzil kimindir? Digər bir qanunsuzluq isə sözün əsl mənasında nonsensdir. Deməli, bizim 2007-ci ildə bağladığımız müqavilənin nömrəsi 4228-dir, hakimin qərarındakı isə 4287 kimi qeyd olunur.(red. Foto əlavə edilib) Hesab edirəm ki, bu sırf əvvəlcədən düşünülmüş, bir sıra şəxslərdən ibarət mütəşəkkil dəstənin cinayəti və özbaşınalığıdır. Bu adamlar ya Zakir Qaralovdan sifariş alaraq biz jurnalistləri ölkə başçısına qarşı narazılıq etməyə sövq edirlər, ya da məhkəmə üzərində olan güclərindən istifadə edib insanların mənzillərini zorla zəbt etməyi planlayıblar. İstənilən halda haqqın, ədalətin bərqərar olmasına çalışacaq, məsələ ilə bağlı Prezidenti məlumatlandırmaq üçün bütün gücümüzü səfərbər edəcəyik”.

Konstitusiya, maddə 13: Azərbaycan Respublikasında mülkiyyət toxunulmazdır və dövlət tərəfindən müdafiə olunur.

Azerbaycanrealligi.com
Xəbərin retinqi: 
Şərh əlavə et
Köşə
Röya Əsmər nənəyə ev tikdirəcək

Röya Əsmər nənəyə ev tikdirəcək

  • 01 yan, 12:44
  • 554
Röya Əsmər nənəyə ev tikdirəcək
Prezident Sənubər İsgəndərliyə ev hədiyyə etdi

Prezident Sənubər İsgəndərliyə ev hədiyyə etdi

  • 25 iyn, 11:38
  • 1 329
Prezident Sənubər İsgəndərliyə ev hədiyyə etdi
“Azərbaycanlı kişilər mənimlə yata bilməyəcək” – Pərvin Abıyeva

“Azərbaycanlı kişilər mənimlə yata bilməyəcək” – Pərvin Abıyeva

  • 10 iyn, 12:21
  • 4 013
“Azərbaycanlı kişilər mənimlə yata bilməyəcək” – Pərvin Abıyeva 
Tanınmış azərbaycanlı jurnalistin ailəsində faciə - Yeganə oğlu öldü - FOTO

Tanınmış azərbaycanlı jurnalistin ailəsində faciə - Yeganə oğlu öldü - FOTO

  • 03 iyn, 10:38
  • 960
Tanınmış azərbaycanlı jurnalistin ailəsində faciə - Yeganə oğlu öldü - FOTO
Sorğu
Saytdan xoşunuz gəlirimi?
Sosiallarda
  • Facebook
  • instagram
  • Twitter
Son daxil olanlar