SON DƏQİQƏ! Xameneyinin bacısı qızı həbs edildi

24, 11, 22
13:00

SON DƏQİQƏ! Xameneyinin bacısı qızı həbs edildi


İran İslam Respublikasının ali rəhbəri Seyid Əli Xameneyinin bacısı qızı, hüquq müdafiəçisi Fəridə Muradxani noyabrın 23-də həbs edilib.

“Azərbaycan Reallığı” xəbər verir ki, bu barədə məlumatı “Azad İran” teleqram kanalı yayıb. 

Məlumata görə, siyasi fəalın qardaşı Mahmud Muradxani bu barədə tvit yazaraq bildirib ki, bacısı noyabrın 23-də məhkəmə qərarını ona çatdırmaq üçün prokurorluğa gedərkən tutularaq həbs edilib.

Qeyd olunur ki, vətəndaş cəmiyyəti fəalı olan Fəridə Muradxani bu il yanvarın 13-də Tehranda evinə qayıdarkən ETTELAAT Nazirliyi tərəfindən həbs edilib və may ayında 10 milyard tümən girov qarşılığında və istintaq müddəti başa çatanadək Tehran vilayətini tərk etmək məhdudiyyəti ilə müvəqqəti azadlığa buraxılıb. 

Bildirilir ki, Fəridə Muradxani həbsindən bir neçə ay əvvəl məhbuslara dəstək kampaniyasına start verib. 

2018-ci ilin iyununda da o, Sənəndəc şəhərinə getdikdən və İslam Respublikasına qarşı fəaliyyətə görə edam edilən siyasi məhbus Ramin Hüseyn Pənahinin ailəsi ilə görüşdükdən sonra həbs edilmişdi.

AZƏRBAYCANREALLIĞI.COM 

Bizimlə əlaqə saxlayın