44 günlük Vətən Müharibəsinin daha bir qəhrəman şəhidi – Hüseynli İbrahim – FOTO

01, 06, 21
15:00

44 günlük Vətən Müharibəsinin daha bir qəhrəman şəhidi – Hüseynli İbrahim – FOTO


Azərbaycan Ordusunun 44 günlük Vətən Müharibəsində yazdığı qəhrəmanlıq dastanının iştirakçılarından və şəhidlik mərtəbəsinə ucalan hərbçilərindən biri də kiçik çavuş Hüseynli İbrahim İsaoğludur.

Azerbaycanrealligi.com xəbər verir ki, Azərbaycan ərazilərinin işğaldan azad edilməsində böyük pay sahibi olan qəhrəmanımız Füzuli istiqamətində gedən döyüşlərdə şəhid olub.
44 günlük Vətən Müharibəsinin daha bir qəhrəman şəhidi - Hüseynli İbrahim - FOTO
Şəhid İbrahim Hüseynli 30 may 1992-ci ildə Yevlax rayonunda anadan olub. O, 1999-cu ildə Yevlax rayon Qoyunbinəsi kəndində 1-ci sinifə daxil olub. 2010-cu ildə 11 illik təhsilini başa vurduqdan sonra Naxçıvan Muxtar Respublikasında hərbi xidmətə yollanır. Xidmət dövründə uşaqlıq arzusu olan hərbçi olmaq qərarını alır. Buna görə, hərbi xidmətini başa vurduqdan sonra 2014-cü il aprel ayının 10-dan etibarən xidmətini müddətdən artıq hərbi qulluqçu kimi davam etdirir.
44 günlük Vətən Müharibəsinin daha bir qəhrəman şəhidi - Hüseynli İbrahim - FOTO
Həmişə vətənpərvərliyi, igidliyi ilə seçilən İbrahim xidmətinə ön xətdə davam etdirmək istəyir və düşməndən qisas almaq, torpaqların azadlığı və suverenliyinin bərpa edilməsində səy göstərmək, şəhidlik zirvəsinə ucalmaq ən böyük amalı olur. 2016-cı ildə 4 günlük davam edən aprel döyüşlərinə yollanır.
44 günlük Vətən Müharibəsinin daha bir qəhrəman şəhidi - Hüseynli İbrahim - FOTO
22 noyabr 2019-cu ildə uğrunda hər şeyi qurban verdiyi və 7 il onun yolunu gözləyən Surfanə xanımla ailə həyatı qurub. 30 dekabr 2020-ci ildə üzünü görə bilmədiyi oğul övladı Alituran dünyaya göz açıb.
44 günlük Vətən Müharibəsinin daha bir qəhrəman şəhidi - Hüseynli İbrahim - FOTO

27 sentyabr 2020-ci il tarixdə 2-ci Qarabağ Müharibəsinə həm döyüşçü, həm də tibb qardaşı olaraq yollanır.

O, döyüşlərdə şücaətlə döyüşür, döyüş meydanından öz komandiri və döyüş yoldaşlarını çıxarır,ağır yaralılara ilkin tibbi yardım göstərir. Füzuli rayonu istiqamətində uğrunda döyüşlərdə iştirak edir və şücaətlə döyüşərək 19 oktyabr 2020-ci il tarixdə şəhidlik zirvəsinə ucalıb.
44 günlük Vətən Müharibəsinin daha bir qəhrəman şəhidi - Hüseynli İbrahim - FOTO
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İbrahim Hüseynli ölümündən sonra “Vətən uğrunda” medalı ilə təltif edilib. O, həmçinin Xocavənd rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyi üçün “Xocavəndin azad olunmasına görə” medalı ilə təltif edilib. (BAKU.WS)

Azerbaycanrealligi.com

Bizimlə əlaqə saxlayın