Azərbaycanın keçmiş baş nazirindən qadınlara duyğu dolu təbrik: “…bizə mətanət verən qüdrət onlardır.”

Xalq hərəkatında, milli mübarizədə, Qarabağ uğrunda savaşda Azərbaycan qadınının fövqəladə böyük rolu olub. Azərbaycan qadını olmasaydı, bəlkə də hərəkat o böyüklükdə vüsət almazdı. 1988-ci ilin əvvəllərində Qarabağ məsələsi xalqı ayağa qaldıranda Azərbaycan SSR Elmlər Akademiyasında keçirilən etiraz yığıncaqlarında, elmi tədqiqat institutlarında çalışan alim qadınların ən barışmaz reaksiya göstərmələri mənə böyük təsir göstərmişdi… 1988-ci ilin yürüş və mitinqlərində minlərlə tələbə qızların düyünlənmiş yumruqları, 1990-nın 20 yanvar gecəsi Bakı küçələrində hücum edən imperiya qoşununun güllələri və zirehli maşınları qarşısında kişilərlə bir sırada sabaha qədər duran on minlərlə qadın və qızlar, 1992-ci ilin 15 mayında Parlament küçəsində bir gün əvvəlki dövlət çevrilişi əleyhinə nümayiş üzərinə yaylım atəşi açılanda əyilə-əyilə kənardakı həyətlərə qaçışan kişilər və “irəli” deyib dimdik yürüyən qadınlar, Qarabağ cəbhələrində hərbi geyimli qadınlar, xalq cəbhəsi təşkilatlarında siyasi diskussiyalara yön verən qadınlar…

Ancaq bu mübarizədə özləri meydanlarda görünməsələr də, küçələrdə yürüməsələr də əvəzsiz yeri olan başqa qadınlar da var. Onlar bizim həyat yoldaşlarımızdır, övladlarımızın analarıdır. Biz kişilər nə edə bilmişiksə onun ən azı tən yarısı onların payına düşür. Bizə “bu yoldan çəkil” deməyən, yuvamızı, uşaqlarımızı ürəklə əmanət qoyub çəkinmədən ölümün özünün üstünə yeriməyə, həbslərə getməyə, aylarla kameralarda tək-tənha qalmağa dözüm, mətanət verən qüdrət onlardır. Bu həyatda üzləşdiyimiz çətinliklərə qalib ola bilmişiksə onlarla olmuşuq, onların sayəsində olmuşuq. Qaranlıqlarda onların işığı, nuru yollarımızı aydınlandırıb… Daim onlara layiq olmağa can atmışıq, bircə onların gözündən düşməkdən qorxmuşuq. Onlar bizim qoruyucu mələklərimiz olub. Allah bu dünyada bizləri öz halallarımızla görüşdürdüyü kimi, əbədi dünyada da yalnız onlarla qovuşdursun…

“İsgəndər bəyin mərhum həyat yoldaşı Rəna xanım haqqında bir anım kitabı hazırlanır” deyəndə mən də qəlbimdən gələnləri ifadə etmək istədim. Dünyanın ən gözəl, ən güclü, ən ağıllı, qadınları olan Azərbaycan qadınları haqqında… Dünyanın ən aristokrat qadını – Xanımlarımız haqqında… 

Azerbaycanrealligi.com 
Xəbərin retinqi: 
Şərh əlavə et
Köşə
Nəsimiyə həsr olunmuş müsabiqə elan olundu

Nəsimiyə həsr olunmuş müsabiqə elan olundu

  • 05 mar, 09:35
  • 142
Nəsimiyə həsr olunmuş müsabiqə elan olundu
"Sizi ora yaltaqlanmağa, qorxmağa yox, problemləri bölüşməyə çağırmışdılar" — Xalq artistindən həmkarlarına SƏRT REAKSİYA

"Sizi ora yaltaqlanmağa, qorxmağa yox, problemləri bölüşməyə çağırmışdılar" — Xalq artistindən həmkarlarına SƏRT REAKSİYA

  • 03 mar, 10:51
  • 3 931
"Sizi ora yaltaqlanmağa, qorxmağa yox, problemləri bölüşməyə çağırmışdılar" — Xalq artistindən həmkarlarına SƏRT REAKSİYA
"Xahişlərinizi saxlayın, Azərbaycanımızın gözəlliyindən, inkişafından danışın" - Zeynəb Xanlarova

"Xahişlərinizi saxlayın, Azərbaycanımızın gözəlliyindən, inkişafından danışın" - Zeynəb Xanlarova

  • 02 mar, 16:08
  • 2 146
"Xahişlərinizi saxlayın, Azərbaycanımızın gözəlliyindən, inkişafından danışın" - Zeynəb Xanlarova
"Azərbaycanın polisləri Avropa polislərinə nümunədir" adlı tədbir keçirilib - FOTOLAR

"Azərbaycanın polisləri Avropa polislərinə nümunədir" adlı tədbir keçirilib - FOTOLAR

  • 15 yan, 21:26
  • 424
"Azərbaycanın polisləri Avropa polislərinə nümunədir" adlı tədbir keçirilib - FOTOLAR
Sorğu
Saytdan xoşunuz gəlirimi?
Sosiallarda
  • Facebook
  • instagram
  • Twitter
Son daxil olanlar